Oleh : Raundoh Tul Jannah
PUISI KRITIK SOSIAL
YEN
Yen netraku bisa anelesi jagat
Swara iku datan bisa oncat
Amung ana Sang Murbeng Rat
Kang baka malik adat
Lor
lan kidul tanpa swara
Isine
mung apus-apus walaka
Dedeg
dampar anane mung muspra
Kapinteran
anggone nyia-nyia
Lemah isine mung banjir tangis
Jerit tanpa swara
Ewonan mripat kang cumanthaka
Amung ngentni mhayuning bawana
Merga
Yen
ana ri pesti pi
Yen
ana ta pesti memba ma
Yen
ungkas mesthi mati
Yen
dadi tansah blenjani
Apa durung tekan pikirmu
Apa durung nalar akalmu
Papan amung dadi kuasa kang ra miguna
Tanpa mikir gegayuhan utama
Tan kena kinira
Tan kena kinira
Umpama mega datan sirna
Lampah runtut kadya satria
Jebul kuwi amung pepaes walaka
Sing kok
tutup surya
Anslup
karana daya
Apa ta karepmu?
Aku
durung ngerti!
Mesem ing
ngarep
Budhal
ing buri?
Sigra katoning
pangaribawana
Sinarug sinambunging
lintang
Atising tan ana beda
Guyu lumaku jejer semu
Molak malike keprana
jengkelmu
PUISI KAMAR
Panggonku Manja
Laku jebul kudu lumaku
Wektu pancen kudu muter
Semana uga yuswa
Saben dina saya suda
Aku mung
bisa napaki
Sisa
dalan kang bisa tak lewati
Laku awan
yen arep dolan
Jaluk
sumber panguripan
Semaga uga mega datan bisa guyu
Nalika simbah ninggalke aku
Aku kaya pager tanpa saka
Moyak-mayik kaerog maruta
Mega kang ana mripatku
Wis kauunthel dadi eluhku
Saben dak sawang kursi lan papan kuwi
Panggonmu ngangen ngenteni aku bali
Ana ngendi aku golek
papan crita?
Ana ngendi, aku bakal
tetangis bab lelapa?
Ana sapa aku bakal manja lan suka-suka?
Yen panggonku manja wis
bali ana kana
Antub
Dadaku antub
Sesek tan kinira
Nyawang pepadange awan
Saya beda yen nyawang rembulan
Rina lan
wengi ora ana redi
Gunggung
ati sing kudu tak tali
Rintihing
hawa ati datan bisa bali
Apa aku
kudu nglungani?
Dadaku antub
Ing sapucuking rasa
Apa ana sing bakal jejawat asta
Rayu sedya supaya bali
Hahaaa....
Iku amung
wewayang
Kang
datan bisa tak gadhang
Aku amung
awu
Kang durung
paham anggonku mlayu
PUISI LAGU
Kinanthi Sandi Asma
“JANNAH”
Janma
kang gayuh ing laku
Alandesan
budi suci
Nelesi
ajagad raya
Nugraha
anthuk kamukti
Abudi
daya kluwarga
Astuti
Ibu pertiwi
Asmaradhana Sandi Asma
Rara
ayu taman swargi
Akaryaneng
Hyang Murbeng Rat
Unggul
lan endah solahe
Ndika
kang sulistyeng warna
Duh
Gusti Hayomana
Obah
lan mosik lakumu
Hamandega
pamor bangsa
PUISI TEMA REFEREN
Bapak
Jokowi
Sarehing sastra
Ayuing bawana
Mijiling tawang Surakarta
Kanthi trahing Rat Praja
Sigra lumampah dadi nuting praja Sala
Teges,
lantip, wicaksana, lan adheming bawa
Gawe
sengsem pamarentah manca
Kanthi
pralambang walikota utama
Kalirik jangkah tumuju
ratu kapitu
Nrabas dhedhep tidheming
laku
Petenging jagad
Lan ngadeging ngawiyat
Gada, oceh, lan paido
Ora nyirna tekad minterake putra bangsa
Jokowi Bapak panngayoming negara
Bapakku lan ukiraning luhur negariku
Habibie
Sedya nag utama
Atut runtut ing pangudi
Pawiyatan nomer siji
Pamikir cerdas jumbuh
lahiring budi
Tabah atimu
Teteg, teguh, hayu lakumu
Saka manca kang tan kinira
Tekad mahargya nusa bangsa nadyan piwales ewone lara
Dirgantara kuwi ngimpi
Kang kok gadhang rina lan
wengi
Dirgantar wujud sekti
Wiwit sejarah ibering
pertiwi
Habibie ratu katiganing Indonesia
Kang
prasaja nrabas banjiring titah
Ikhlas,
dana, lan gumregas
Memayu
hayuning negara kanthi tuntas
PUISI BALADA
BADA
Bada......
Dina
kang kaanthi
Dina
kang fitri
Sebutane
riyaya, riyayaning dina
Ing
bibaring wulan mulya
Ngendhikaning Simbah :
Kuwi dina becik
Agawe bungah atiku
Nggerrrr
Agawe mekaring kembang,
kang mangambar
Dina ing ngendi omahku
kebak ing guyu
Guyuning para sanak,
putu, lan tamu
Sing adoh dadi siji
Sing lali dadi bali
Nggerrr....
Putuku...
Ngerti rasaning beda
katimbangdina-dina liya
Hawane lara datan tak
rasa
Pikirku.....
Apa elinge yen pas
riyaya?
Marak sungkem ing gubug
rasa
Aku datan bisa lali Ngger
Kowe-kowe sira anak
putuku teka
Kang rikala semana tansah
tak udidaya
Ilining kringet aku tetep
guyu
Gusti
Matur nuwun aneng dina iki
Kang
datan bisa tak lali
Nadyan staun ping siji
Aturku....
Wakil tangising
panguripan simbah-simbah
Kang kasimpir kunjara
lakuning “jaman”
PIWELINGe
Simbah Kakung
Wonten menapa?
Swasana katon beda
Ora katon padhatanya
Eyang gerah napa susah?
Jawabe : Aku ora papa
Ndhuk
Aku amung watuk lan rada
sayah
Eyang uga ora susah
Lan ora nana kang tak
gawe susah
Aku wis tuwa Ndhuk
Urip mung kari ngadhep
Ngakehi ngibadah uga
amalan barakah
Jawabku : Inggih Eyang
mugi rahayu
Pangestu lan donga kang
tak anthu-anthu
Selaning : Ndhukk.....
Pangestuku lan dongaku
jampangi lakumu
Eyang amung weling
Dadia nut Rat kang utama
Wanudya sekaring bangsa
Kuncaraning praja,,,
Yen ta bali Semarang apa
kana aja nglali Pati
Yen bungah aja lali omah
Yen aku wus ora nana
Katon pasarean kang kang
kasisa
Amung kiriman donga kang
tak uja
Ndhuk....
Kuwi satitik
piwelingku....
Eyang jebul ing Maret 2017
Kuwi piwelingmu kang pungkasan?
Esem kang sundhul langit
Lambeyan ngisor jambu kang kok lampit
Mugi anthuk swarga
Aku mung bisa donga lan usaha
Kaya kok gadhang
Nalikaning semana
Ing ngisor rembulan sasi kasanga
Matur nuwun Eyang....
Semarang, 17/18 (RTJ)
Tidak ada komentar:
Posting Komentar